بەیاننامەی یەکێتیی دیموکراتی کوردستان سەبارەت هێرشی دەوڵەتی تورک بۆ سەر ڕۆژاوای کوردستان

بەداخەوە دواجار دەوڵەتی تورک و چەتەکانی سوپای ئازادی سوریا هێرشیان کردە
سەر ڕۆژاوای کوردستان، وەک یەکێتیی دیموکراتی کوردستان ئۆپراسیۆنی دەوڵەتی
تورک بۆ سەر ڕۆژاوای کوردستان بە توندی شەرمەزار و ئیدانە دەکەین و
داواکارین کە نەتەوەیەکگرتووەکان و وڵاتانی خاوەن بڕیاریئ جیهان لەسەر ئەو
دەستدرێژی و هێرشە دڕندانەییەی دەوڵەتی تورک بێنە دەنگ و دەوڵەتی تورک
ناچار بکەن کە ئۆپراسیۆنە ناڕەواکەی ڕاگرێت.

هەروەها داوا لە هەموو
کوردان لە هەموو جێگایەکی جیهان دەکەین کە دژ بە داگیرکاری دەوڵەتی تورک و
چەتەکانی سوپای ئازادی سوریا ڕاپەڕن و پاڵپشتی گەلی خۆیان بکەن بە هەر
شێوازێکی مومکین کە بۆیان جێبەجێ دەبێ.

یەکێتیی دیموکراتی کوردستان

9/10/2019